Schoolly D

Dr Schoolly D (* 1962 als Jesse B. Weaver; zytewys au Schooly D) isch e Rapper us Philadelphia. Syni friene Tracks sin Vorlöifer vom Gangster Rap. D'Kwaliteet vo sine Rhymes isch eender umschtritte, wenisgschtens uf dr erschti Bligg erschyne si eender simpel. Inhaltlig hed dr Schoolly sich am Aafang vo de nünziger Joor in Richtig Afrozentrismus wyterentwiggled, worschynlig nid z letscht well Sozialkritik und Afrika denn seer en vogue gsi sinn. Das hed sich aber ändi nünziger Joor wider ggändered, und au dr Schoolly D hed sich wider mee em Sex und Crime gwiddmet.